Hetihlai hian vote chhiartu tur Counting Supervisor leh Counting Assistant te bakah Micro Observer te training zawhfel a ni tawh a, Zonet zawhna chhangin Lawngtlai Bawrhsap, Pu N. Chakhai, District Election Officer ni bawk chuan vote chhiar turin inbuatsaihna an zofel tawh niin a sawi a ni. Siaha District-a bial pathum Lawngtlai East, Lawngtlai West leh Tuichawngah te hian Polling Station 161 a awm a, Polling Station 59 awmna Tuichawng bial chu vote nei tamna ber a ni a, he bial atan hian vote chhiarna tur dawhkan 12 a ni a, Polling Station 68 awmna Lawngtlai West bial atan dawhkan 14 leh Polling Station 34 awmna Lawngtlai East bial atan vote chhiarna tur dawhkan 10 dah a ni. Election Commission duhdan angin Counting Hall-a thil awmdan zawng zawng vilna tur CCTV pawh dah vek a ni. District dang ang bawkin vote chhiar hi zing dar 8-ah \an a ni ang a, a hmasa berah Postal Ballot-a vote thlakte chhiar hmasak a ni ang a, chumi hnuah EVM-a vote tla te chhiar zui a ni ang.
