Hetihlai hian Congress party pawhin tun hnai thlenga candidate an dah lohna bial hnih, Tuichawng leh West Tuipuiah te candidate a dah fel tawh a, chungte chu Tuichawng bial atan Pu Kali Kumar Tongchongya (Lalthara tia hriat bawk) leh West Tuipui bial atan Minister of State hlui, Pu Nihar Kanti Chakma te an ni.
Congress hian tunhnai lawk khan Siaha biala an candidate atan Minister hlui Pu S.Hiato an ruat a, Palak bial atan MLA hlui, Pu KT Rokhaw an ruat a ni. Hetihlai hian BJP chuan Assembly bial 40 zinga 36 atan chauh an candidate vawiin thleng khan an la puang thei rih a, tun thlenga an la puan lohna bialte chu Palak, Hachhek, Aizawl South I leh Aizawl West III bialte a ni.
ZONET zawhna chhangin an party hruaitute chuan Palak biala an candidate tur hming puan mai tur chu Assembly Speaker hlui, Pu Hiphei a ni tih an sawi a ni. ZPM pawhin Mizoram Assembly bial 40 awm zingah bial 35-a an candidate tur te an puan hnuah tun hnai khan bial thum danga an candidate turte hming an puang leh a, chungte chu Siahaah Pu F. Thangchhuaha, Lawngtlai East-ah Pu MC Lalramchhana leh Lawngtlai West-ah Pu CT Mawia te an ni a, Palak leh Tuichawng bialah te erawh chuan candidate an nei dawn lo a ni. Hetihlai hian PRISM chuan Assembly bial 25 chuh turin candidate a ruat a, an zinga mi \henkhat chuan dinna tur bial Returning Officer hnenah hming an pe lut tawh a ni. Zoramthar pawhin tun \um inthlannaah hian bial 26-ah candidate dah a tum niin an pawl hruaitu, Rev. Dr. Zaichhawna Hlawndo chuan ZONET a hrilh. Party dang chuh ve tumte chu National Peoples Party leh Nationalist Congress Party te an ni a, Independent-a din tum hming sawilan a la awm lo nia thudawn a ni.
