Heng mite hi Chief Electoral Officer Pu SB Sheshank, Aizawl Bawrhsap, Dr. A. Muthamma leh Police Officer ten |huampui leh Helipad-ah an lo dawngsawng a, heta \ang hian Raj Bhavan panin an kal nghal a ni.
Chief Election Commissioner hi Election Commissioner pahnih, Pu Sunil Arora leh Pu Ashok Lavasa te, Deputy Election Commissioner, Pu Sudeep Jain, Director General Pu Dhirendra Ojha, Director Pu Vikram Batra leh Secretary Pu SB Joshi ten an \awiawm a ni. Chief Election Commissioner leh amah \awiawmtu mi pawimawhte hian vawiin tlai khan Aizawl Club-ah Political Party hrang hrang hruaitute an kawma, inthlanna dik, felfai leh muanawm buatsaih dan tur an sawipui a, hemi hnu hian tlai dar 5:30-ah District hrang Chief Electoral Officer in inbuatsaihna neih tawh dan a hrilhfiaha, State Nodal Police Officer pawhin venhimna lam ruahman dan a hrilhfiah bawka, hemi hnu hian District hrang hrang Bawrhsap, District Election Officer ni bawk leh District SP ten anmahni District \heuha inthlanna neih tur atana ruahmanna siamte an sawifiah a ni. Election Commission hotute lawm nan Chief Electoral Officer chuan zanin hian Aizawl Club-ah Cultural Programme leh zanriah a buatsaih sak a ni. Election Commission-a mi pawimawhte hian naktuk chawhma dar 9:30 a\angin Income Tax, Excise & Narcotics Deptt. hotute leh Bank hotute Aizawl Club-ah bawk meeting an neihpui leh ang a, hemi hnu hian Chief Secretary, Pu Arvind Ray, Principal Secretary Home, Pu Lalnunmawia Chuaungo, DGP, Pu Balaji Srivastava leh Senior Officer pawimawh dangte nen inthlanna neih tur kaihhnawiha thil pawimawh sawiho turte sawihovin inthlanna dik, felfai leh muanawm neih nan ruahmanna an siam dawn a ni. Chief Election Commissioner hian Aizawl a chhuahsan hma-naktuk chhun dar 11:45-ah Aizawl Club-ah thuthar thehdarhtute a kawm dawn a, hemi hnu hian New Delhi lam panin a haw leh dawn a ni.
