National Party leh Recognised Regional Party te tan hian an dinhmun a zirin hun pek zat a in ang lova, Indian National Congress tan a pumpuiin minute 250 pek a nih laiin, MNF tan minute 176 phal a ni a, ZNP tan minute 125, MPC tan minute 73, BJP minute 47, CPI minute 45, CPIM minute 45, BSP minute 45 leh All India Trinamul Congress minute 45 phal an ni bawk a, \um khata thusawi hun atan minute 15 aia rei lo phal a nih avangin an hun chanpual \heuhte hi minute 15, minute 11, minute 8 leh minute 5-ah te sem sawm sak an ni. An tana All India Radio leh Doordarshan-a inthlan campaign thuchah sorkar pawmpui Party-ten an sawi theihna hun siamsakah hian Party hrang hrang aiawhte thusawi tur ziah chu a endiktu Vetting Committee-in a endik phawt anga, chumi hnuah All India Radio leh Doordarshan-ah tihchhuah a ni ang. Party hrang hrang aiawhte thusawi tur endik hmasak a ngaih nachhan hi ram leh hnam inpumkhatna atana thil \ha lote, \henawm ram nena inlaichinna tichhe thei zawngte, sakhaw hrang hrang leh \awng hrang hrang hmangtute inkara boruak \ha tichhe zawng a awm loh nan te a ni. Radio leh Doordarshan hmanga Party hrang hrang aiawhten campaign thuchah an sawi hun tur bithliah felnaah hian Party aiawhte bakah Radio leh Doordarshan Officer te an tel a ni.
