A lehkhaah chuan CEO thil tih avanga hetianga sorkar Officer sawn hian a barakhaih thu leh \ha lo a tih thu sawiin, Pu Lalnunmawia chu a hna ngaia dahlet leh a nih theihna tura hma la turin Union Home Minister chu a ngen a ni. Chief Minister chuan tun hmalama inthlanna felfai, muanawm leh langtlangthei ruahman kawnga Mizoramin hming a lo chher tawh dan leh hetiang inthlanna dik leh felfai neih theihna chhan chu tlawmngai pawlte hnathawh \hat vang niin a sawi a, tuna Chief Electoral Officer chu tawnhriat nei lo leh tling tawk lo a nih avangin hetiang buaina tun hmalama buaina Mizoramin a la tawn ngai reng reng loh hi Mizoramah a thleng ta tih sawiin, tlawmngai pawlte lungawilohna chu ngaihzam mai chi a ni lo tih Election Commission-ah a hriattir a, tlawmngai pawlten Tripura Bru Camp-a vote nei awmte Mizorama an hming chuanna polling station-ah vote thlak tir hunrei tak a\anga an lo ngen tawh chu Mizoram sorkar pawhin thlawpin awm a tihpui a, vote thlak tura Mizorama kal chu an tan a hlauhawm loh tih a sawi bawk. Pu Lal Thanhawla chuan mi \henkhat mahni hmasialten Tripura Bru Transit Camp-a awmte chu Mizorama let lo tur leh Autonomous District Council an phut nawr zuina atana hman \angkai atan hetiang thil hi an ti ta mai nia a rin thu a sawi bawk a, hunrei tak chhung a hranga awm Mizo mipuite chuan India ram khua leh tui ni tura rilru an siam mek laia hetianga thil tih hi ram inpumkhatna atana sorkar hmalakna ti chhe thei tur niin a sawi bawk.
