Session \an a nih veleh, Mizoram Governor thar, Pro. Jagdish Mukhi-a’n House-ah thu a sawi ang a, hemi hnu hian member zinga pakhatin Governor thusawi chunga lawmthu sawina Motion a pu lut ang a, chumi hnu chuan an chawl zui rih ang. Session ni 2-na, naktip ni 13-ah chuan hun hmasaah Member hlui, kumin January ni 11-a Lawngtlai a thi, Pu F Manghnuna sun a ni ang a, hemi hnu hian zawhna leh chhanna hun hmangin House-a Larsap thusawi sawihova pawmpui tum a ni ang.
A tuk, Ninganiah zawhna leh chhanna bakah sorkar thil pawimawh ngaihtuah a ni ang a, a tuk leh, Zirtawpni chu zawhna leh chhanna bakah Private members business ngaihtuah a ni ang. Inrinni leh Pathianni te chawlhsan a nih hnuah ni 18, Thawh\anni-ah zawhna leh chhanna hun hmangin, Finance Committee siam leh sorkar thil pawimawh ngaihtuah a ni ang a, Kumin sorkar kuma sum indaihlohna phuhrukna tur, Supplementary Demand for Grants 2018-2019 leh sorkar kum thar thla 3/4 vel chhunga sum hman tur ruahmanna, Vote on Accounts pharh a ni ang a, ni 20-ah Supplementary Demand for Grants 2018-2019 leh Vote on Account-te hi pass tum a ni ang. Kumin hi Parliament inthlan kum a nih avangin Parliament chuan Sorkar kum thar thla engemaw zat hman tur Interim Budget chauh a pass a, hei vang hian Mizoram sorkar pawhin Vote on Account-in thla 3/4 vel sum hman tur a pass a ngai a ni.
