Hetihlai hian zu khapna dan thar siamna tur, Total Prohibition Bill leh Health Department a\anga lut tura beisei Bill dang pakhat nghah mek a ni.
Puan tawh angin he session hian tun thla ni 20 thleng a awh ang a, kumin April/May thla vela Parliament inthlanna neih a nih dawn avanga Lok Sabha-in Interim Budget chauh a pass avangin Mizoram Assembly pawh hian sorkar kumthar thla 3/thla 4 vel chhung hman tur Vote on Account chauh a pass dawn a, Vote on Account pharh rual hian kumin sorkar kum chhunga sum indaihlohna phuhrukna tur, Supplementary Demand for 2018-2019 chu tun thla ni 19-ah Chief Minister, Pu Zoramthanga, Finance Minister ni bawkin a pharh dawn a ni.
Session \anni hian House-ah Larsap, Pu Kummanam Rajasekhara’n thu a sawi ang a, hemi ni hian Larsap thusawi vanga lawmthu sawina Motion put luh nghal a ni ang. A tuk, ni 13-ah chuan hun hmasa chu Member hlui, kumin January ni 11-a Lawngtlai a thi, Pu F Manghnuna sunna neih a ni ang a, hemi hnu hian zawhna leh chhanna bakah House-a Larsap thusawi sawihova pawmpui tum a ni ang.
