Assembly Speaker hian Budget Session zawhfel takah, Assembly house-a \awngkaa chhan chi zawhna Starred question lut zingah chhanna dawn loh 14 a awm tih a sawi a, Health Dept a\angin chhanna an dawng hman lo chu an hman lo hrim hrim nge, chhan ngam loh an nei tih pawh hriat a ni lo tih a sawi a. Zawhna lut, chhanna an dawn hman loh dangte hi GAD chanah pathum, Commerce & Industries ah 2, Planning ah pakhat, Revenue ah 3, Tourism ah 1, leh Agri leh sports ah pahnih ve ve a ni tih a sawi. Starred question hi 439 a lut a, chung zinga 421 chu pawm a ni a, 18 chu hnawl a ni tih Speaker hian a sawi a, house chhungah 46 chhan a nih thu a sawi bawk.
Ziaka chhan chi, Unstarred question 249 lut zingah 230 pawm a ni a, hnawl 19 a awm a, chhanna dawn loh 20 a awm a, zawhna chhang hman loh te hi GAD a\angin 14, Agriculture, Labour Employment, Skill Development and Entrepreneurship, Land revenue, social welfare, power & electricity leh Finance a\angin pakhat \heuh a ni.
