Vawiina chanchinbumite a kawmnaah Dr. Thangtea hian tuna coronavirus kai finfiah tak hi Mizoram a\anga kai ni lovin ramdang a\anga kai a ni a ti a, ram dang a\anga a lo thlawh luh-a Mizoram a rawn thlen hnuah anih tur ang takin a inkhunghrang nghal a ni a ti a, amah hi thiamna sang tak nei, mahni inveng thiam tura ngaih a nih avangin chiaina tur a awm lo a, Zoram Medical College-a a hranga enkawlna tur hmun siamah tih dan tur engkim zawma dah phei nghal an ni a ti.
Health Minister-in chanchinbumite a kawmna-a Damdawi lam thiamte leh sorkar hotute sawi danin, tuna coronavirus kai hmuh chhuah hian Amsterdam-a a awm lai a\angin fimkhur thuah Aizawla a hmelhriat doctor te a lo be lawk tawh a, sorkar laipuiin inkhung hran dan tur ruahmanna a siamte pawh hrilh lawk a ni a, chung te chu zawm chungin Aizawl a rawn lut a. A chenna inah hian inkhung hrangin Aizawl a thlen hnu ni hnihna, March ni 18-ah a khua a sik \an a, a reh mai loh avangin March ni 20, 2020 khan Health Dept lam be pawpin, a chenna inah daktawrin a tlawh nghal a. Test tur throat sore swab sample la in GMCH laboratory, Guwahati-ah thawn a ni. Result hi nizan zan rei tawh lamah Mizoram sorkarin a dawng a, Covid-19 a kai tih hi finfiah a ni.
Confirm a nih veleh a chenpui a nupui leh a fate pahnih hi ZMC Isolation ward ah dah nghal an ni a, damlo hi a dinhmun a ngaihtuah awm loh tih sorkar hotute chuan an sawi a, a nupui fanaute pawhin dam lohna an nei rih lo a. A chenna ina amah tlawhtu daktawr pawh tunah hian amah a inkhunghrang nghal a ni.
Vawiina chanchinbumite a kawmnaah Health Minister Dr R Lalthangliana hian mipuite chu chiai lo turin a chah a, bible chang pathum a lam chhuak a, chung zingah chuan Sam 46-na ‘Pathian chu kan inhmumhimna leh kan chakna, Mangan laia \anpui vartu hnai reng a ni’ tih pawh a tel a, Mizoram chu Pathianin mak takin chhiatna lakah a lo humhim tawh \hin a, kan tihtur chinah theih tawp chhuah chungin Pathian kan auh a ngai a ni a ti a. Mipuite chu Pathian \anpuina dil turin a chah a ni.
