He inkhawm Aizawl Press Club Conference Hall-a neih hi MJA President, Pu Zonunsanga Khiangte-in a kaihruai a, MAL President, Prof. Laltluangliana Khiangte leh Vice President, Pu C. Chhuanvawra ten Mizo \awng ziak dan dik an zirtir a ni.
‘Mizo \awng hmakhaw thlirna’ tih sawitu, Prof. Laltluangliana Khiangte chuan, Mizo \awng humhalh tura thil pawimawh hmasa ber chu Mizo \awng hman uar a, hman thiam, hman \hat leh hman dik a ni, a ti a. Sikul \henkhatah naupang zinga Mizo \awng hman vanga hrem leh pawisa chawi tir hial an awm chu thil pawi tak a ni a, mahni ram ngeiah mahni pianpui \awng hman avanga hrem tuar an awm chu a dik lo hle tih a sawi.
Mita hmuh leh benga hriatten mipui a kaihhruai nasat avangin chanchinbu mite chu an fimkhur a ngai tak zet tih MAL president hian a sawi a, Kohhran leh Biak In chhunga \awngkam hman pawh fimkhur a \ul a ni, a ti. Mizo \awng humhlah tura beihnaa kawng \ha ber chu 8th Schedule-a Mizo \awng telh a ni tih Prof. Laltluangliana Khiangte hian sawiin hemi tihlawhtling tura nasa taka \anlak a ngai a ni, a ti.
Mizo \awng ziah dan dik leh \ha tih sawitu, Pu C. Chhuanvawra pawhin, thuziak reng reng chu a chhiartute phak tawk leh ngainat dan azira teha \ha leh \ha lo a ni, a ti a. Amah erawh chu, chanchinbua thuziak erawh thuziak dangte nen an inang lo a, an thuziak reng reng chu dik, rintlak leh belhchian dawl a ni tur a ni a ti.
He zir honaah hian Mizo \awng hmakhua leh ziak dan dik an sawite chu a kalkhawm ten an sawi hova, zawhna leh hriat duh an neihte an sawiho nghal a ni.
