Mizoram-a Village Council inthlanpui neih tur atana hman tur Electoral Roll siamthat hna thawh chhunzawm a ni leh ta a, Serchhip ah chuan District Bawrhsap, Pu Kumar Abhishek hovin bul tan a ni.

VC Electoral Roll, 2020 dik leh felfai tak siam anih thei nana theihtawp chhuahpui turin Political party leh khawtlang hruaitute bawrhsap hian a sawm a, Election Officer, Pu Vanlalhmachhuana chuan kumin March 13 khan Draft Electoral Roll tar chhuah a nih thu te, tun thla ni 29 khian Final Electoral Roll tihchhuah tum a nih thu te a sawi. VC din tha a awm nual avangin Serchhip District chhungah hian Village Council 54 a awm-ah inthlanna neih a tul dawn a ni.

Coronavirus leng vanga Local Council leh Village Council term dinglai September ni 7 thlenga pawhsei a nih hnuah, inthlanna-a hman tur Electoral Roll ennawn mek chhunawm leh tura hriattirna hi kar kalta khan Mizoram State Election Commission-in a tichhuak a ni.