Mimal, vantlang leh Sawrkar Building him lo nia lang te endik a, Building Audit nei turin Additional DC kaihhruaiin Technical Team din an rel a, Team-ah hian SDC Member Secretary a ni ang a, P&E SDO, PWD SDO, PHE SDO, Khawzawl Joint VC Chairman, 2nd IR Dy. Commandant, Addl. SP, Sub-Hqrs. MHIP President leh Joint YMA President te chu Member an ni ang.
Bawrhsap hova thutkhawmnaah hian chhiatrupna thlen thulha chet lak dan tur inzirtirna, Social Distancing ngai pawimawh chungin khaw hrang hrang aiawhte tan buatsaih nise an ti bawk a. Khawzawl khawpui chhungah leimin leh chhiatna dang thleng thei laka invenna turin July atanga September thla chhungin lei laih khap nise an ti bawk.
