Health Minister Dr R Lalthangliana’n vawiina Aizawla chanchinbumite a kawmnaah thisen endik tawh zat hi tarlan a ni a, thisen hi a duh apiang test ngawt theih a ni lo a, WHO leh Ministry of Health in kaihhruaina a siam angin, covid-19 kai nia rinhlelhte chauh enfiah tura an thisen sample hi lak a ni. He virus lenna hmun a\anga Mizorama lo haw mi 153, anmahni chenna hmuna awm hrang rih tura tih te zingah 8 te chuan an inkhung hun chhung tura bituk an hmang zo tawh a ni.
Health Minister leh Health Dept hotute sawi danin, Covid-19 hi a damdawi bik hmuh chhuah a la nih loh avangin, virus kai nia rinhlelh an nih tirah damdawia enkawlna chu an kai tih finfiah hnuah pawh thlak a ngai chuang lo a, enkawlna ngaia enkawl chhunzawm mai tur a ni a, hetianga damlo enkawlna tur damdawi hi Mizoram chuan a ngah tawk a. Mizoramah kai an lo awm thulha enkawl thei turin Falkawn Referral Hospital-a ICU chu tih ruah a ni tawh a, Civil Hospital ICU pawh khum 21 dah belh tuma tihlen tum mek a ni tih Health Minister Dr R Lalthangliana chuan a sawi.
Zawhna chhangin Damdawi lam thiamte chuan virus kai an lo awm thulha enkawltu turte himna atana in thuamna tur Personal Protective Equipments pawh mamawh khawp Mizoramin a nei tih an sawi.
