Nizan khan palai lawm inkhawm neih a ni a, inkhawm hi an pawl Asst. Secretary H. Lalthianghlima’n a kaihruai a, ‘Unau kan ni’ tih thupui hmangin MZP Adviser Pu F. Lalnienga’n thu a sawi bakah, Reiek VCP, Pu Vanlalchhunga’n palai lawmna thu a sawi a, report ngaihthlak a ni bawk.
Zofest hi vawiin khan chhunzawm a ni a, chawhma lama vantlang inkhawm neihah a hmanpuitu Planning Secretary Dr. C.Vanlalramsanga chuan, Zofa ten khawvel ram hrang hrang an dap chhuak mek niin a sawi a, heng ram a zofa awm te chu inzawng chhuakin Society leh Welfare an din zel tih sawiin, hei hian inunau-na \ha a siam a, mahni luah chin ram \heuh chu humhalh \ha a, luahlum chu hnam humhalhna pawimawh tak a ni a ti. Dr. C. Vanramsanga chuan inunau-na leh inlungrualna tel lo chuan insuihkhawm a theih ngai dawn lo niin a sawi a, Zofate insuihkhawm kawng zawh turin rilru dik, sakhua dik, rinawmna leh taimak neih a pawimawh tih sawiin, hemi kawnga \an la tur leh Zo tih \awngkam chu duhawm, mawi leh nalh, \ha sawi nan hmang uar deuh deuh turin a chah bawk.
Central YMA President, Pu Vanlalruata pawhin thusawiin khawvelah hnam anga hriat hlawh tur leh dam khawchhuak turin Zofate insuihkhawma \anrual a ngai niin a sawi a, mahni hnam zia leh incheina zahpuitute an dingchhuak ngai lo tih sawiin Zofate hnam ziarang leh incheina tun aia uar zawk tur leh mahni awmna \heuhah rinawm taka awm tur leh inpuih ngaihna a piangah inpui tawn zel turin a sawm bawk.
Inkhawm hi an pawl General Secretary, Pu Lalnunmawia Pautu-in a kaihruai a, chawhnu lamah Reiek Convention Center-ah, “Insuihkhawm leh Mizo |awng” tih thupui zirho a ni bawk.
