MZP hian vawiin khan Aizawl khawpui kawn hrang hrangah hnam dang dan lova khawsa an awm leh awm loh an dap a, hetah hian ILP nei lo leh sumdawng mi 70 chuang an hmu chhuak a. MZP hruaitute chuan, ni khata hetiang zat an hmuhchhuak thei chu pawi an tih thu an sawi a, heng mite hi permit nei lo anmahni leh anmahni lo in sponsor-te leh hnamdang vekin an lo sponsor te an nih thu an sawi. MZP chuan, ILP chu a nihna ang taka hmang tur leh a pek chhuah kawngah pawh thuneitute chu fimkhur tura an duhthu an sawi a, ram leilung faten khawpui chhungah inluah tur harsa taka an zawn \hin lai a, dan lova awm hnam dang ten awlsam taka in luah tur an hmu mai \hin chu pawi an tih thu sawiin, Veng leh Khaw tin Local Council leh Village Council hotute chu ILP pekchhuah chungchangah lehkha pawimawh nei kim lo chu hriatpuina pechhuak tawh lo turin an ngen a ni. MZP in ILP nei lo an man te hi thuneitute hnenah an hlan nghal a, thawnkir an nih dan an enzui reng dawn tih an sawi.
