Mizo Zirlai Pawl (MZP) General Headquarters chuan, Teachers Day lo thleng hian mi tin thinlungah zirtirtute hlutna leh pawimawhna hriat thar tir se, tun aia nasa leh zuala zirlaiten zirtirtute zahna lantir se a duh tih an sawi a.

Zirtirtute chu ram leh hnam rohlu chu an ni a, hmasawnna hrang hrang chu zirtirtute vanga awm a ni tih sawiin, Teachers Day lo thlengah hian zirtirtu zawng zawng duhsakna an hlan a ni. MZP chuan, tuna zirlai ni mekte chu nakina ram hruaitu tur leh kohhran, khawtlang leh ram tana mi tangkai tak tak la ni tur an ni tih sawiin, chumi atana siam puitlingtute chu zirtirtute hi an ni tih hre reng tur leh zirlaiten, an zirtirtirtute an ngaihhluta an zah deuh deuh chu MZP chuan a duh tih a sawi.

Teachers Day pual hian MZP chuan August ni 31 khan Aizawlah hnamdang nupui pasal nei lo tura inzirtirna neih a lo ni tawh a. He inkhawmah hian kum 2016-17 azirtirtu National Awardee leh State Awardee dawng mi10-te hnenah lawmpuina leh chawimawina thuziak hlan nghal a ni.