Mizo Zirlai pawl Executive meeting vawiina an President Pu L Ramdinliana Renthlei hova an pawl pisaa \hukhawm chuan, Citizenship Amendment Bill, 2016 duhloh lantir nan Mizoram pumah Hnam chhan kawngzawh huaihawt an rel.

MZP chuan, Sorkar laipuiin Citizenship Amendment Bill, 2016 parliament a pass a tum dodalna kal chho zelah hnam chhan kawngzawh chu hmarchhak zirlai intelkhawmna NESO duhdana neih tur a nih thu an sawi a, kawng zawh hun atan karleh Nilaini an ruat a, Prime Minister Narendra Modi leh Union Home Minister Rajnath Singh te lim hal an tum thu an sawi. MZP chuan hnam chhan Kawngzawha tel turin Mizo mipui zawng zawng leh zirlaite an sawm a ni.