Hemi puala inkhawm Ailawng Khuangchera Hall-a buatsaihah a hmanpuitu MLA hlui Pu Vanlalzawma chuan, zirlai nih laiin a lian berte, chak ber leh huai berte chu \hanlen hnua lal ber leh huai ber an ni lova, lehkhathiam leh ti \ha peihte an thu in an lal zawk \hin tih sawiin hlawhtlin tuma chhel taka zir turin zirlaite a fuih a ni.
Pu Vanlalzawma chuan thiamna chu khawtlang leh ram hmasawnna tura thil pawimawh ber a ni tih sawiin hemi kawnga nasa zawka \an la turin khawtlang hruaitute leh zirtirtute chu a chah bawk.
Zirlai ti\ha an chawimawite hi kum 2018-19 Academic Session-a an khuaa Primary, Middle leh High School zirlai Distinction-a pass mi 42 te an ni a, thuziak an pe \heuh a ni.
Inkhawm hi Ailawng MZP Branch President, R. Lallawmsanga’n a kaihhruai a, Mizoram University-a Mizo Department zirtirtu Dr. Ruth Lalremruati’n zirlaite fuihna thu a sawi bawk.
