A hlanna inkhawm Aizawl Press Club-a neih hi Human Resources Development Board Vice Chairman, Pu L. Thangmawia MLA-in a hmanpui a, mi\henkhatin Mizo \awng chu ral mai thei dinhmunah a ding niin an sawi a, hei hi thil ni thei leh ni lo thei a nih tih sawiin, Pu L. Thangmawia chuan, Mizo \awng a ral lohna turin tuna mite hian mahni hmazawn theuhah mawh an phur a, mahni pianpui \awng humhalha nal taka hman theih chu thil tih makmawh a nih thu a sawi. Pu L Thangmawia chuan, Mizo \awng humhalh leh chawisan chu Chief Minister Pu Zoramthanga pawhin a ngaihpawimawh tih a sawi a, Human Resources Development Board meeting-ah pawh a sawi chhuah hial thu leh mahni pianpui \awng ziak leh hman chu ngaihpawimawh thar thar hle a hriat thu sawiin, \hangtharte chu tun aia Mizo \tawng hman leh ziah dan uluk se a duh tih a sawi. Pu L Thangmawia chuan, Mizo Writters Association-in Mizo subject a ti\hate an chawimawi chuan rah \ha a chhuah ngei a beisei tih sawiin, Mizo \awng vawn nun kawngah pawh hmasawnna a thlen ngei a beisei tih a sawi.
Mizo Writers Association-in Mizo Proficiency Prize dawngtu mi 6-te hnenah Pu L. Thangmawia hian chawimawina thuziak a hlan a, Mizo Writers Association te \anpui nan cheng sing 1 a hlan bawk. Inkhawm hi Mizo Writers Association President, Pu R.Lallianzuala’n a kaihruai a ni.
