Mizo thalaite zingah All India Service leh Central Service-a inziak tling an tam theihna tura Mizoram sawrkarin MYC kaltlanga hma a lak dan tur Deputy Chief Minister Pu Tawnluia hovin vawiin khan ngaihtuah a ni a, hmalak dan tur an chhawp chhuak nghal.

Sawi hona ah hian MYC Chairman Dr. Vanlaltanpuia, Chief Secretary Pu Lalnunmawia Chuaungo , Finance Commissioner Pu Vanlalchhuanga, Planning Secretary Dr. C. Vanlalramsanga bakah MYC member te leh mithiam dangte an tel a, All India Service leh Central Service lama tui leh inziah tlin tumte tana lehkhabu tha chhiar tur chhawpchhuah dan tur te, thalaite zinga mi thiam bik te puala test buatsaih leh chuta tanga thlanchhuahte chu Coaching Centre thaa lut tura sponsor dan tur te an rel a. Hei bakah hian Prelimimary examination a inziak tling te chu Main examination inbuatsaih tura sum leh paia \anpui chhunzawm zel ni se tih te an rel a ni.