Mizo \halai tam tak thihna thlentu, hmeithai leh fahhrah siam tu Congress zu zawrh chu kumin Assembly inthlana thuneihna an chuan an ti tawp dawn tih MNF Vice President Dr. R Lalthangliana’n a sawi. He thu hi Tuirial East Block MNF in Lungdai YMA Hall a SEDP training an buatsaih a hmanpuinaah a sawi a. Dr R Lalthangliana chuan, Congress in Sorkar sum harsatna chhuanlamin NGO leh kohhran pawh rawn duh lova zu an zawrh avangin nasa takin mipuiin an tuar mek a ni tih a sawi a, hmeithai leh fahhrah khawl tih theih hial khawpin zu avangin hmeithai leh fahrah an pun phah bakah Police tam takin an thih phah mek bawk a ni tih a sawi. Dr R Lalthangliana chuan, kumin kumtawp a Assembly inthlanah thuneihna an chan chuan zu zawrh an tih tawp tur thu leh \halai thihna thlentu ni lovin a siamthat na \hatna lam an kalpui dawn a ni tih a sawi. Dr R Lalthangliana chuan, Congress sorkar chu rei tak daih ni lo nachhawkna ang chauh a rei lo te daiha hnathawk an nih thu a sawi a, inkawlphawhna kawngpui pawh inthlan a hnaih avangin chauhin rei lo te daih turin an siam a ni tih a sawi. Dr R Lalthangliana chuan, Congress in inthlan tinzawn rana NLUP leh NEDP hmangin mipuiteah nghakuai an chiah leh mek tih sawiin an chawchah atana sum an hman te chu Congress leh Pu Lal Thanhawla sum ni lovin mipui sum a ni tih a sawi a, hemi avang hian an chawchah ang te chu inthlahrung lova lo la zel tur leh an nghakuaiah erawh in awh tir lo turin an party mipui te a chah. Dr. R Lalthangliana chuan, MLA biala MNF chhiahna ber CADC a tunhnaia MDC inthlanah Seat la tam ber an ni chu kumin Assembly inthlana Sorkarna siam tu tur an nih zia ti lang tu niin a sawi bawk. Inkhawm hi Tuirial East Block MNF President Pu H. Lalremsanga’n a kaihruai a ni. Dr R Lalthangliana hi MNF Hqrs. hruaitu engemawzat in an \awimaw a ni.
