MSU hian an President, RB Lalmalsawma hmingin FIR hi an thehlut a, RB Lalmalsawma chuan nikum lamah khan Mizorama Cement zuar company hrang hrang nen cement man chungchangah hian inremna an lo siam tawh tih sawiin, heng an inremna bawhchhia hian company 3- Dalmia, Star leh Topcem chuan tun hnai khan an cement man an tisang niin a sawi a, company 3-in a man an tih san hi entawnin company dangte pawhin a man tih san an tum chho mek tih hriat a nih thu te sawiin, a \ul anga hmala turin Aizawl SP chu a ngen a ni. SP chuan, MSU thu thlen chu a \ul anga enfiah a nih tur thu leh bawhzui ngai awmte bawhzui a nih tur thu MSU hruaitute chu a lo hrilh a ni.
MSU hian Cement man tihsan a nih chungchang hi vawiin khan heng company 3 hotute hi a sawipui a. Nikuma inremna an lo neihpui tawh dan hrilhin, hemi bawhchhiaa hma an lak avangin FIR an thehlut tur thu leh a man tihniam leh tura hmala tur an duh thu an hrilh a, an inkawmnaah hian company hotute chuan MSU ngenna chu a \ul anga bawhzui an tim a ni.
