Mizo Student Union Gen. Hqrs. Hruaitu ten National Institute Of Technology Director Prof. Rajap Gupta chu vawiin khan a pisaah hmuin zirlai te chunga mawi lo taka che thina puh zirtirtu Dr Bijayananda Mohanty chu Mizoram chhuah san tir nghal turin an ngen.

MSU President RB Lalmalsawma’n ZONET a hrilh danin NIT a Civil Engineering-a Head of Department hlui Dr. Bijayananda Mohanty chu a zirtir danah leh a khawsak danah zirlaite an lungawi lo a, NIT Director chu enquiry Commission dina thil awm dan chhui chiang turin MSU chuan an ngen a, Dr. Bijayananda Mohanty hi a thiam lo ngei nia a lan avangin Head of Dept a nihna hlihsak a ni. MSU president chuan, NIT hotute thutlukna-ah NIT zirlai te an lungawi theih loh avangin Dr. Bijayananda Mohanty chu Mizoram chhuahsan tir turin an nawr ta tih a sawi.