Bialtu MLA, Power Minister Pu R. Lalzirliana’n Expo hi a hawng a, \hangtharte pi leh pute kutchhuak ngaihsan kawngah an harhchhuak nasa hle tih a sawi a, pi leh pute kutchhuak Pawnpui, puankawp, bawhtah kawr leh thil dang engemaw zat hmuh tur awm tawh lo chu a vei thu sawiin, tharthawh leh turin puantah thiamte chu a chah a ni.
Saitual Special Handloom Expo-2020 hi National Handloom Development Programme (NHDP) hnuaiah Mizoram Handloom & Handicraft Development Corporation Ltd. (ZOHANDCO) in a buatsaih a ni a, hawnna inkhawm hi ZOHANDCO Chairman Pu C. Lalrammawia’n a kaihruai a, puan tahtu mi 22 in an kutchhuak chi hrang hrang an phochhuak a ni.
