Kum 90 mi nia thi ta, Pu J. Lalpuithanga Sailo hian a nupui, Pi Lalchhuanthangi, fapa 4, fanu 4, tu 22 leh tuchhuan 5 a kalsan. Serzawl lal, Lalzuala Sailo fapa upa ber Pu J Lalpuithanga Sailo hi kum 1929 March thlaah a pianga, Aizawl, Silchar leh Jowai-a Adventist Training School-ah te lehkha a zir a, a pain a thihsan hma avangin kum 21 mi a nih laiin Serzawlah lal turin koh haw a ni a, kum 1950 a\anga kum 1957-a Mizorama lal ban thleng khan lal a ni. Hemi hnu hian Postal Department-ah a thawk a, chumi hnuah Agriculture Department-ah a thawk leh a, kum 2002 khan Agriculture Extension Officer-in a pension a ni. A pu, Lalsakeia chu Mizo lalte zinga Kristian hmasa a nih avangin a khua hi tumhma lam khan Kristian tihduhdah tuarten tlan khawm nan an hmang \hin a, amah, Pu J. Lalpuithanga pawh hi Pathian ring tlat mi, zirna leh lehkha ziah ngaina mi a ni.
