Mizo lal hluiten an lalna tungding leh tur leh, a theih loh chuan zangnadawmna, cheng vbc. 500 pe tura sorkar laipui hriattir turin Supreme Court an ngen. Times of India chanchinbu, vawiina chhuak sawi danin, Mizo lal hluite pawl, lal 309 telna, Mizo Chiefs Council chuan tun hmaa Lushai Hills-a an lalna chu tun din leh an ph<t thu leh, hei hi tihhlawhtlin theih a nih loh chuan, kum 1954 a\anga an ram luah man, cheng vbc. 500 an ph<t thu hi court sang berah hian an thlen a, tun hma khan Mizo lalte hian ram chin neiin thuneihna an nei a, an awp chinah chhiah an khawn thei a, misual, hrem ngaite pawh an ngaidam thei bawk a, kum 1895 khan British hovin Lushai Hills chu an la ta a, lalte thuneihna tam tak chu chhuhsak mah se, ram chhung hmun danga princely state an tihte angin, Mizo lalte chu thuneihna engemaw chen an neihtir zui a ni. India ramin zalenna hmuh hnuah Lushai Hills chu Assam ram bung khat a lo ni ta a, kum 1951-a Assam Autonomous (Constitution of District Council) Act hman a nih khan Autonomous district 6 siam a ni a, chung zinga pakhat chu Lushai Hills hi a ni a, a hnu kum thumah Assam Lushai Hills (Acquisition of Chiefs’ Rights) Act chu pass a nih t^k avangin, Mizo lalte thuneihna chu chhuhsak a ni ta a, zangnadawmna atan kum 10 chhung buh an seng \hin ang zat vel p>k an ni a, hun lo kal zelah an dinhmun a hniam telh telh a, a \hen phei chu an rethei ta hle a ni. Kum 1999-ah khan Mizo Chiefs Council hian PM hnenah zangnadawmna atana cheng vbc. 509 dilna an thlen tawh a, Mizoram sorkar chuan lalte thu thlen hi thlawp mah se, an ph<t anga zangnadawmna p>k chu a tlin loh thu, court chu hrilhin, zangnadawmna hi sorkar laipui p>k tur niin a sawi bawk niin lalte ukil, Kedar Nath Tripathy leh Lalremsanga Nghaka chuan an sawi. Defence Mininstry erawh chuan he zangnadawmna hi p>k tur a nih pawhin, state sorkar p>k tur niin a sawi ve thung a, November ni 17 khan he thubuai hi Justice Madan B Lokur-a kaihhruai bench ngaihtuah tur zingah telh a ni a, court chuan hemi chungchanga sorkar laipui ngaihdan hriat a duh a, Additional Solicitor General, ANS Nadkarni chuan hei hi a lo en zui ture thu leh, Union Home Secretary a lo sawipui tur thu, court chu a hrilh a, hei hi kum thar January ni 4 hian Justice Lokur-a hian a ngaihtuah leh dawn niin Times of India chuan a sawi.
