Mizo Idol 2018 inelna chu zanin hian zawhfel a ni dawn. A tlangkawmna Grand Finale hi a hmun pangngai, Selesiha College of Veterinary Science & Animal Husbandary Auditorium-ah zanin dar 8 a\angin \an a ni anga, hetah hian top 3-a tlingte chang ni lovin top 11-a tling zawng zawngte pawh an zai dawn a ni.

Zanina Mizo Idol 2018 Grand Finale hi top 3-a tlingte veng leh khua \heuhah Big Screen-in mipuiten an en dawn a, Champhai Electric Veng lam pawhin H. Lalnunsiami hmuah dan tur an rel tawh a, Chhinga Vengah pawh zanin hian Ticos Darhmingliana hmuak turin an inbuatsaih bawk a, Chanmari kawnah pawh Jerry Lalrinawma Jerry hmuahna concert zanin hian veng chhung mipuiten an nei dawn a ni.

Mizo Idol 2018 hian lawmmanah Rs. 1,50,000/- leh Scooter a dawng ang a, runners up-in lawmmanah Rs. 80,000/- leh Llyod TV a dawng ang a, 3-na-in Rs. 50,000/- leh Llyod Washing machine a dawng dawn a ni. Top 3-te hi MSR Gym-ah kum 1 chhung man chawilovin member an ni dawn a ni.

Mizo Idol Top 3 te hi kumin November thlaa Nagaland-a National AIDS Control Organisation (NACO) programme neih turah MSACS hmalakna-in an zai dawn a ni.