Mizo Academy of Sciences General Body Meeting leh Seminar ni nghal chu nimin khan Pachhunga University College Seminar Hall-ah neih a ni. He General Body Meeting Seminar ni nghal hi Pachhunga University College leh Mizoram Science, Technology and Innovation Council te nena \ang hova neih a ni a, Seminar thupui atan hian “Science & Technology for Sustainable Future” tih hman a ni a, hetah hian Directorate of Science and Technology-a Chief Scientific Officer, Dr. RK Lallianthanga chuan Science zir uar tur leh service hrang hranga lut thei tura inbuatsaih turin \halai kalkhawmte chu a fuih a, ram chhunga Science organization hrang hrang Defence Research and Development Organization, North Eastern Space Applications Centre, Indian Council of Agricultural Research, North East Institute of Science and Technology, Indian Space Research Organization leh a dangah te hnathawk thei tura inziah tlin a pawimawh thu a sawi a ni. He inkhawmah hian Scientific Officer, Dr. ALdrin Malsawmtluanga chuan Science leh Technology mihring hmasawnna atan leh khawvela an awm chhoh zelna atan a pawimawh dan a sawifiah a, Science Subject hrang hranga Mizo zinga Ph.D hmu thar ten an thesis an sawifiah a, hemi bakah hian Science subject hrang hrang Ph.D mi 8 hnenah chawimawina certificate an hlan bawk. Hemi bakah hian National Eligibility Test, State Eligibility Test, Graduate Aptitude Test in Engineering leh Graduate Pharmacy Aptitude Test paltlang mi\hahnem tak hnenah lawmpuina thuziak an hlan bawk a ni. He General Body Meeting-ah hian kum 2018 a\anga 2020 thlenga Mizo Academy of Sciences hruaitu tur te thlan thar an ni bawk a ni.
