Coronavirus darh zel tur venna atan hmalak vat a nih loh chuan Somalia ram chu ram dang zawng aiin thi tamna ber a ni thei tih damdawi lam thiamte chuan an sawi.
Somalia rama COVID-19 case hmasa ber chu Thawh\anni khan hmuhchhuah a ni a, he natna kai hi China-a lehkha zir, an rama kir leh a ni a, tunah hian khunghran mek a ni tih an ram thuneitute chuan an sawi.
Ram changkang zawk China leh Italy-ah te pawh he natna hri vanga mi sang chuang an thi a nih chuan Somalia ang ram rethei zawkah phei chuan thi zat an tam hle a rinawm tih Mohamed Mohamud Ali, Somali Medical Association (SMA) chairman chuan a sawi.
Tunah hian Somalia-ah COVID-19 kai leh kai lo enchhinna hmanrua a la awm lo va, South Africa-ah sample thawn zel a ni a, result hre turin a tlem berah ni thum tal nghah a ngai a ni a ti bawk.
Somalia sorkarin COVID-19 darh zel tur ven nan ram chhunga zirna in zawng zawngte chu nimin a\ang khan a khar a, ni 15 chhung a khar lailawk rih ang. Somalia Prime Minister chuan mipui punkhawm pawh a khap tih a puang bawk.
He hri leng hian khawmualpui dangte aiin Africa khawmualpui a thleng hnuhnung ber a, Africa khawmualpui chhunga ram 31-in COVID-19 case hi nei tawhin mi 13-in an thihpui tawh a ni.
