Vawiin hi Mizorama missionary hmasa pahnih – Rev. JH Lorrain (Pu Buanga) leh Rev. FW Savidge (Sap Upa)-in Mizoram leilung an rah \an ni, Missionary Day a ni a, Mizorama Baptist Kohhran chuan awm ni khamin an lawm a. BCM Headquarters chuan he ni hi uar taka hmang turin tualchhung Kohhran hrang hrangte a hriattir a, chawhma dar 10-ah inkhawm \anin, Headquarters a\anga thupui thlan sa, ‘I puan in hmun zauh rawh’ tih hmangin Pathian thuchah an ngaithla a. Chawhnu lam chu tualchhung kohhrante remchan dan a hman a nih hnuah, zanah Pathian biak inkhawm an nei chhunzawm leh a ni. BCM Kohhran tam zawk chuan he ni lawmna atan hian ruai an \heh hlawm a ni.
Vawiin hi British mi hausa, Robert Arthington-a’n Missionary a rawn tirh pahnih, Rev. James Herbert Lorrain, Pu Buanga tia Mizo-ten an hriat leh Rev. Frederick William Savidge, Sapupa tia Mizo-ten an hriatin kum 1894, January ni 11-a Changsilkai an lo thlen champha, vawi 124-na ni a, he ni hi Mizoram Baptist Kohhran chuan Chanchin \ha thlen ni, Missionary Day atan a hmang a. Tun hma lam khan Presbyterian Kohhran pawhin he ni hi Chanchin \ha thlen ni-ah pawmin, kum 1974-a Synod Inkhawmpui chuan January 11 hi kum tin Chanchin |ha thlen Ni-a hman a lo rel a, chuta \ang chuan hman a ni ta zel a, kum 1994 khan Chanchin |ha thlen kum 100-na (Gospel Centenary) chu ropui taka lawm a ni nghe nghe a ni. Kum 2012 December thla-a Synod Inkhawmpui, Chanmari Kohhran Biak Ina neih chuan Chanchin |ha thlen ni atan hian March ni 15, 1891 a pawm ta zawk a, hei hi Rev. William Williams-a’n Tlawng luia Kutbùl lui chhuah a lo thlen ni nia hriat a ni.
