No Vehicle Zone hi chawhma dar 10 a\anga tlai dar 4 thleng neih niin, hemi chhung hian Chanmari leh Zodin Square inkarah Thirsakawr leh Nawrlirh tiamin lirthei eng chi mah tlan luh phal a ni lo a, Krismas ch^k khai lamtute leh khawlaia chhuak vak vel ten zalen takin hun an hmang a ni. Aizawl Traffic OC Pu Lal\anpuia chuan No Vehicle Zone siam a nih chhung hian buaina leh harsatna thleng a awm lo tih Zonet a hrilh a. No Vehicle Zone hi kum 4/5 vel siam a nih tawh avangin mipuiin a \angkaina an hrethiam tawh a, dan bawhchhiat tum pawh an awm lo niin a sawi. Aizawl chhim leh hmar inkalpawhna kawngpui khar a nih avanga a helna kawng siamah pawh Traffic Jam vanga harsatna liantham a thleng lova, tukin dar 10-a No Vehicle Zone siam a nih hnuah lirthei dah sawn lo, a bikin Two wheeler 10 vel an awm a, chungte chu man niin, dan anga pawisa chawi tir an \ul dawn tih Traffic OC chuan a sawi.
Hetih lai hian kum hmasa lama Bazar chhunga mipui an innek buai loh nana Police duty insiam-a Bazar chhunga mipui veivelte an lo thunun ang chi kha kumin hian tih a nih t^k loh avangin Bazar chhung a tawt zual a, mipui vei vak pawh a tibuai deuh niin a hmuna tlawhtu Zonet palai chuan a sawi.
No Vehicle Zone neih a nih chhung hian Aizawl khawpui chhung chhim leh hmar inkarpawhna kawngpui, Chanmari leh Canteen kual inkar khar a ni a, hmar lam pan turte chu tlak lamah Temple Square a\angin Vaivakawn lamah kalin, Hunthar veng lam an pan a, LMV leh a hnuailam chu Company peng lamah kalin Bawngkawnah an chhuah choh bakah Chanmari West lamah kalin, Chanmari kawnah an chhuak chho thei a. Chhuah lamah chuan Sikulpuikawn a\angin Republic veng lamah kalin, Bethlehem a\angin Chhinga veng lamah an kal a. Teasury Square a\angin Republic veng lamah kual lutin, Electric veng lamah a chhuah theih bawk. Chhim lam pan turte chu tlak lamah – Chanmari Biak In bul a\angin Chanmari West lamah chhukin Vaivakawn lamah an kal a. Chhuah lamah chuan Bawngkawn a\anga kawng hnuaiah kalin, Ramhlun tan tlangin Electric a\angin ITI veng lamah an kal a ni. No Vehicle Zone helna kawngah hian lirthei eng chi mah kawng dala hun phal a ni lova, hei hian chhiatrupna, kangmei chhuak leh Emergency-a duty te a huam lo a ni. No Vehicle Zone hi naktukah chuan neih a ni dawn lova, karleh Thawh\an, urlawk ni-ah neih a ni leh dawn a ni.
