Vawiina Aizawl Press Club-a thuthar lakhawmtute a kawmnaah Home Minister hian Aizawl mai ni lo Mizoram hmun hrang hrangah boruak muanawm tak hnuaia mipuiten hunpui an hman theih nan sorkar chuan theihtawp a chhuah dawn tih a sawi a. Tun hnaia Central YMA hruaitute nen an inkawmnaah hemi kawnga hmalak dan tur hi an rel a, kum danga sorkar-in a lo khap tawh zu leh ruihhlo, halpuah, halmawi leh a mu kap chhuak thei naupang silai lemte chu hman phal a ni dawn lova, hunpui vuakvet chhung, a bikin zan lamah Police leh YMA \angdunin a tam thei angin khawlai an fang kual \hin dawn tih a sawi a. Hemi atana sum mamawh pawh Finance Department enkawltu Chief Minister, Pu Zoramthanga hnenah dil a ni tawh a, ngaihtuahpui an nih tur thu a hrilh tawh tih a sawi.
Zawhna chhangin Home Minister chuan, hunpui vuakveta chhunga dan leh thupek kenkawh turah ruahmanna thar awm lem lo mah se, tunhma zawng aia khawnga kal tum a nih thu a sawi a. Sorkar-in halpuah leh halmawi lam chi hal lo tura mipui a ngenna chuan zawm a hlawh \hin hle laiin, kum 2013-ah khawi hmunah emaw hal a ni a, hei hian mipui a inthlahdah tir deuh nia hriat a nih avangin sorkar lam a\ang chuan hetiang ruahmanna hi siam a nih tawh loh tur thu a sawi. Pu Lalchamliana chuan, hmun hrang hranga buaina chhuak palh thei veng turin Temporary Beat Post siam a nih tur thu leh hetah hian buaina chhuak thei leh midang tana hlauhawm zawnga lirthei khalhte chu Police leh YMA-te ngawrh takin an veng dawn tih a sawi.
Home Minister \awiawmtu DIG Northern Range, Pu Lalbiakthanga Khiangte pawhin, halpuah leh halmawi lam hi hi CrPC section 144 hmanga khap a nih thu leh thupek zawm lote chu IPC section 188 hmang hrem theih an ni tih a sawi a, kum dangah pawh thupek zawm lova halpuah hallui an mante chu hremna pek an lo ni tawh \hin tih a sawi.
