Health Care Scheme tharah hian chhungkaw pahatin cheng nuai 2 thleng kumkhat chhungin an bill thei dawn a, APL chhungkaw tan cheng sang 1 a inziahluh theih a ni a, BPL chhungkaw tan cheng 100 chawi a ngai thung a, Health Care Schem hmasa aiin natna Bill theih a tam zawk a, OPD-a enkawl ngai natna \henkhatah pawh bill theih a ni dawn a ni.
Health Care Scheme thar hawnna inkhawm Vanapa Hall-a buatsaihah Pu Zoramthanga chuan, thuneihna an chan hmasakin Asian Development Bank ten \angkawpin Health Care Scheme bul an lo \an tawh tih a sawi a, tuna hawn tak chu changtlung taka kalpui thei turin phai lama damdawi In tha zawk pantute tan damlo te thlenna te pawh tihchangtlun choh zel a nih thu a sawi a, damlo ten enkawlna \ha an hmuh theihna tur chu sorkarin a ngaihpawimawh a ni a ti. Pu Zoramthanga chuan, Mizoramah sorkarin pawisa neih ang te hriselna lam turah chuan hman phal a, thlarauah chauh ni lo, taksa lama Zoram mipuite hriselna sorkarin a ngai pawimawh a ni a ti a, mipuite chu Health Care Scheme a inziak lut ngei turin a sawm a ni.
Health Minister Dr R Lalthangliana pawhin thusawiin hriselna chuan sorkar flagship pgoramme SEDP ah pawh hmun pawimawh tak a chang a ni a ti a, Health Care Scheme thar chu lehkhathiam lo tan pawha hriatthiam awlsam tura duan a ni a ti a, mimal dawmawi In leh phai lama damdawiinah te pawh lo ngaipawimawh turin a ngen tawh tih a sawi. Dr R Lalthangliana chuan, Sorkarin Health Care Scheme a kalpui turah sum a hautak dawn hle tih hre chungin mipui te hriselna sorkarin a ngaihpawimawh avangin sum tam tham tak dah a ni tih a sawi a, a \ul anga dah belh zel pawh sorkarin a inhmuam tih a sawi a, Health Departmentah thiamna bik nei an pun theihna tura hmalak tum a nih thu leh Cancer Super Speciality Hospital Mizoramah din a nih tur thu a sawi.
