Mipuiin sorkar dept \henkhat a\anga an mamawh an dil te a hun taka an hmuh ngeina tur dan The Mizoram Right to Public Services Act 2015 chu \angkai zawka hmang thei turin mipui lamin an chanvo an hriat chian a \ul tih ATI Director Pi Lalzarmawii’n a sawi.

Vawiin a I&PR Auditorium a thuthar thehdarhtute a kawmnaah Pi Lalzarmawiin chuan, he dan hi kum 2015 December ni 1 a\ang khan hman \an ni tawh mahse mipuiin an hmelhriat tawk lo a, he dan hnuaiah hian Sorkar Department thlanchhuah 6 Transport, Taxation, Rural Development, Finance, Social Welfare leh Public Health Engineer Department te chauh huam tir ala ni rih a, heng Deptt. a mipuiin an thil dil leh hriat duh an neihte chu Department in mawhphurtu a ruat Officer hnenah ziakin an dil ang a, hunbi tiam chhunga pekchhuah ngei tur a ni a ti a, diltu thlentu chuan Officer hnen a\angin a dil ngei a ni tih hriatna Acknowledgement receipt a dawng tur a ni a, hetihrual hian dilna hnawl a nih chuan a chhan mumal tak ziakin dept chuan an pe ngei tur a ni a ti.

Pi Lalzarmawii chuan, mipuiin an thil dilah lungawilohna an neih chuan a thlenna tur Appelate Authority chhawng hnih a awm tih a sawi a. pawisa chawi ngai a awm lo a, ni 30 chhunga chingfel ngei tur a ni a ti a, chhan \ha tawk awm lova mipui thil dil pe duhlotu officer chu hrem theih a ni a ti.