International border khar chhunzawm a ni ang a, State dang nena inkalpawhna, Inter-State boundary khar mekte pawh khar chhunzawm an ni ang a, Bairabi, Vairengte leh Kanhmun kaltlang kawngpui te chu mipui nitinmamawh phur leh phalna nei bungraw dang phur lirthei te tan hawn a ni ang a. Home Dept phalna nei lo mipui zin veivahna lirtheite chu Ramri kana an tlan phal a ni lo.
Nitin mamawh bungruate chu phalna hranpa lak ngai lova lak luh theih a ni a, mPass hmangin declaration an thehlut tur a ni thung a. Nitin mamawh ni lo bungraw dang la lut turte chuan mPass hmangin Home Department phalna an la hmasa tur a ni a, Mizoram chhung bika bungraw phurh leh thiar-ah te chuan phalna hranpa lak a ngai tawh lo a ni. Ramri leh ramri dep khuaah te khauh taka venhimna kalpui chhunzawm tur a ni.
