Mipui kharkhipna kalpui hnua ramri pela ruihhlo zawnga Assam lama kal, Mizorama an let hnua khung hranna, Thingdawla Polytechnic chu Social Welfare Minister Dr. K. Beichhua an vawiin khan a tlawh a, mi 105 vel awm zingah a tam zawk chu ruihhlo vanga harsatna tawkte an ni.

Dr. K. Beichhua hian ruihhlo ngai leh awmna mumal nei lo te Kolasib district thuneituten an enkawl dan chu lawmawm a tih thu a sawi a, ruihhlo ngai te enkawlna tura ruahmanna Sethawn-a Jordan center peihfel ala nih loh avangin Thingdawl Polytechnic-a ruihhlo ngai awm mek te chu an awm chhunzawm theih dan tur dap a nih tur thu a sawi. Dr, K. Beichhua hian Sethawna Jordan Centre building thawm that hna thawh mek a enfiah nghal a ni.