Mipui inkharkhip hun chhung ni 21 a ral hnua mipuiten an hna pangngai an chhunzawm leh dan turah state hrang hrangin ruahmanna mumal tak an neih a \ul dawn tih Prime Minsiter Narendra Modi-a’n a sawi.

State hrang hrang Chief Minister te nen video conferencing hmanga an inkawmnaah Modi hian inkharkhip hun a tawp hunah a hma angin engkim kalpui nghal a remchang dawn lo a, mipuite himna turin ruahmanna fel tak siam a a \ul dawn tih a sawi. Prime Minister hian March ni 24 khan ni 21 chhung awh tur mipui inkharkhipna kalpui tur thu hi a puang a, Coronavirus darh zel tur venna turin punkhawm loh chu tih theih awm chhun a ni a ti.

Chief Minister te a kawmnaah hian Prime Minister hian coronavirus kai hmuh chhuahten midang an kai chhawn theih tur awmte zawn zui dan leh inkhung hran dan kalphung te a sawipui bawk a ni.