ZDF hruaitute hian vawiin khan Aizawlah kum thar atana Pathian hnena inhlan tharna an neih bakah Mizoram hmun hrang hranga an Branch-te nen hmasawn zel tura chak zawka thawh ho dan tur an ngaihtuah a. He \hutkhawmna an pawl President, Pu Lawmthanga’n a kaihruaiah hian ZDF chuan Mizoramah thuneihna sem zaia a, State leh Village level-ah mahnia Budget insiam thei khawp thuneihna siamrem tura hmalak chu an pawl thil tum ber a nih thu leh hei hi a hlawhtlin theih nan an pawl chuan hma ala zel dawn tih an sawi a. ZDF chuan, thuneihna semzai tura hma an lakna chu MNF Party thil tum pakhat a ni tih an hriat avangin kum 2017 December ni 12 khan thawh dunna thuthlung an siam tih sawiin, hei hi thawk leh khata tihhlawhtlin nghal vut vut theih ni lo mah se, MNF kaihhruai sorkar hotute chu an inremna anga a tihlawhtling tura a theih ang anga \anla turin an ngen a ni.
