Lockdown hi COVID-19 darh zel tur venna atana ruahman a ni a, March ni 25 atanga tan tur a ni a, ni 21 a awh ang.
A hnuaia tarlante hi State leh UT sorkar-te kenkawh tura ruahman a ni.
1. Sorkar laipui pisa zawng zawng khar tur a ni.
Hei hian Central Armed Police, Treasury leh vantlang mamawh (Petrol, CNG, LPG, PNG) bakah, Disaster Mangement-te leh kawlphetha siam leh semtu pisa te, dak in leh, National Informatics Centre leh chhiatrupna thleng thei chhuitu agency hrang hrang a huam lo ang.
2. State leh UT Sorkar pisa zawng zawng khar tur a ni.
Huam ve loh te;
a. Police, Home Guard, kangthelh pâwl, disaster management leh tân in.
b. District Administration leh Treasury.
c. Kawlphetha, tui leh bawlhhlawh paih.
d. Municipal Bodies zingah bawlhhlawh paih leh tui sem, etc. enkawl tura ruat leh pisa kai tura ruat bik te.
A chunga tarlan pisa zawng zawng hian hnathawk tlem thei ang ber an chhawr rih tur a ni a. Pisa dangte hian a tul chuan in lam atangin hna an thawk chhunzawm ang.
3. Damdawiin leh a kaihhnawih thil zawng zawng – thil siam chhuahna leh semna hmunpui zawng zawng, laboratory, clinic, nursing home, ambulance, etc. a ngai angin a kal ang a. Heng hmuna hnathawkte hi an veivah phal a ni.
4. Mimal leh sumdawnna hmun khar vek tur a ni.
Huam ve loh te;
a. Ration dawr (PDS) zawng zawng – chaw leh chawhmeh, thei leh thlai, bawnghnute zawrhna hmun, sa leh sangha zawrhna, ran vulh lai chaw zuar. Heng hi vantlangin an pan khawm lohna atan an chenna ina an mamawh lam theih dan (home delivery) tualchhung thuneituten an ngaihtuah pui theih chuan sorkar duh dan a ni.
b. Bank, Insurance pisa leh ATM
c. Print Media leh Electronic Media
d. Inbiakpawhna hrang hrang – internet bakah, Broadcasting leh Cable TV Service.
e. Online-a chah theih nitin mamawh – ei tur leh damdawi leh damlo enkawlna hmanrua a chahtute ina thlentute.
f. Petrol pump, LPG leh gas dang zawrhna leh semna.
g. Kawlphetha siamna leh semchhuahnaa hnathawkte leh.
h. Securities and Exchange Board of India-in sum enkawl chungchanga phalna a pekte.
i. Thil a vawta vawn thatna hmunpui leh chhekkhawlna.
j. Private Security Service
A bak zawng hi chuan in lam atangin hna an thawk thei ang.
5. Thil siamchhuahna hmunpui zawng zawng khar tur a ni.
Huam ve loh te;
a. Nitin mamawh siam chhuahna
b. Hmun thenkhat, hnathawh chhunzawm ngei ngei ngai, State sorkarin phalna a pekte
6. Zin leh veivahna dang – thlawhna, rel leh lirthei dang tihtawp lailawk vek a ni ang.
Hei hian a hnuai ami te hi a huam lo ang;
a. Nitin mamawh phurtute
b. Kangthelh pawl, dan leh hrai kengkawhtute leh emergency service-te
7. Mikhual thlenna khar tur a ni.
Huam ve loh te;
a. Hotel, lodge leh motel thenkhat, mikhual tangkhang nei mekte leh medical leh emergency hnathawk mikhual nei mekte
b. Quarantine hmun atana puan tawhte
8. Zirna in zawng zawng (coaching leh research pawh huam telin) khar vek tur a ni.
9. Sakhaw hrang hrang biakin zawng zawng khar vek tur a ni. Huam chin nei lo in sakhaw thil vanga punkhawm reng reng khap a ni.
10. Khawtlang thiltih khawm, infiamna thil emaw, zirna lam thil emaw, hnam dân thil emaw, intihlim tur emaw avanga punkhawm reng reng khap tlat a ni.
11. Mitthi vui leh sûnna thil a nih chuan mi 20 aia tam lo punkhawm phal a ni.
12. March ni 15 hnulama ram pawn atanga India lo lut zawng zawng leh mahni chenna in emaw, sorkar siam hmun emawa inkhunghrang tura tih zawng zawngin inkhunghran hun chhhung an lo ruatsak tawh an zawm tur a ni. A zawm lo te chu IPC Section 188 tlawhchhanin thubuai siam sak theih an ni ang..
13. A chunga lockdown tura hriattirna in a huam ve loh zawng zawngte hi a chhawrtu emaw, a ruaituten an hriselna an ngaih pawimawhsak tur a ni a, COVID-19 darh lohna atan theihtawp an chhuah tur a ni a, Health Department-in inkharkhip leh tawmim an ngai pawimawh tho tur a ni.
14. Thupek zawng zawng hi hmang tan turin District Magistrate-in a tulna apiangah Executive Magistrate-te thuneihna pein, Incident Commander-ah a ruat ang. Incident Commander-te hian an enkawl tura ruat hmunah te hian thupek zawm a nih leh nih loh chungchangah mawh an phur ang a, heng hmuna thuneitu dangte pawhin an ngaichang tur a ni.
15. Thupek hi mipui mimir veivak thinte tana duan a ni tih leh nitin mamawh sem leh pek a nghawng tel lo tih thupek kengkawh tura ruatte hian hria se.
16. Incident Commander-te hian damlo enkawlna hmun tihchangtlun leh siam kawnga harsatna awm thei te an thlithlai reng tur a ni.
17. Sorkar ruahmanna hi zawm lo an awm a nih chuan Disaster Management Act 2005, Section 51 to 60 leh IPC Section 188 tlawhchhanin thubuai siam sak theih an ni ang.
18. Sorkar ruahmanna hi a zavaiin ram pumah March ni 25, 2020 atangin ni 21 chhung hman a ni ang.
MHA-PR-March-24MHA-PR-March-24-Annexure
