‘Covid-19: Guidelines on dead body management’ tih Health Ministry inkaihhruaina siam-ah hian Covid-19 vanga thi te ruang, damdawi lam thiamten an sawngbawl dan tur kimchang tak tarlan a ni a, Isolation Ward a\anga lak chhuah dan tur te, ruang tuamna sarang, plastic body bag-a khung dan tur te leh damdawi hmanga tih thianghlim dan tur te tarlan a ni a, isolation ward a\anga ruang lak chhuah a nih lai hian an chhungten ruang an hmu duh anih chuan phalsak tur an ni tih tarlan a ni.
Health Ministry hian mitthi ruang, body bag-a \ha taka khung tawh, a pawn lam damdawi-a tih thianghlim tawh chu a phurhsawnna lamah hlauhthawn tur a awm tawh lo tih a sawi a, ruang phurtuten hmai tuamna leh kutkawr an bun ang a, a phurhna lirthei pawh damdawi-a tih thianghlim leh tur a ni.
Thlanmuala ruang phumtute tan pawh hlauhthawn tur a awm lo a, hmaituamna surgical mask vuah-a kutkawr bun tur a ni a, mitthi chhungte chuan a tawp nan mitthi hmel an hmu duh anih chuan a tuamna plastic bag-a mitthi hmai zawn chu hawn zawk phal a ni.
Invuina hunserh hmangtute tan pawh hlauhthawn tur a awm lo a, mi tam tak punkhawm erawh pumpelh tur a ni thung a, invui zawh hnuah mitthi vuitute chuan fai takin kut an sil tur a ni tih Health Ministry kaihhruaina siamah hian tarlan a ni.
