Discover North East-ah hian Mizoram pawn atangin Cultural Troupe pali – Badhai Cultural Troupe, Madhya Pradesh, Karma Cultural Troupe, Madhya Pradesh, Manipur Cultural Troupe leh Meghalaya Cultural Troupe te an rawn tel a. Nilaini khan Tualbung khua-ah hun hmangin Ninganiah Mualpheng khuaah chhunzawm a ni a. Saitualah khian kharna inkhawm neih a ni ta a ni.
Kharna inkhawm hi Art and Culture Minister Pu R. Lalzirliana leh NEZCC Director Pu Jitul Sonowal ten an hmanpui a, Pu R Lalzirliana chuan India ramah hnam hrang hrangten an hnam nun leh ziarangte an hloh nasat avangin sorkar laipui chuan hnam tin ten an nunphung leh hnam ziarangte an chawisan leh theihna turin nasa takin hma a la tih a sawi a, Mizoram sawrkar pawhin Mizorama cheng hnam peng hrang hrangte nunphung humhalha chawinung zel turin hma a la a ni a ti.
