Vawiina Congress Bhavan inkhawmah Pu PC Lalthanliana hian, MNF hotu pakhat chuan Congress kum 10 Sorkar aiin MNF sorkar-in thla 3 chhunga an hnathawh a tam zawk thu a sawi a, hei hi a dik lo tih mipuiten an hre chho mek a, kum 1 em pawh an sorkar hmain lal an hrawt a, a bial \hinah pawh Chief Minister Housing Scheme dawng tura tih fel tawh, sum pawh pek fel vek tawh chu chhuhsak leh an tum a, miretheite ipte a awm tawh pawh zen chhuah sak leh hial an duh a ni, a ti.
Pu PC Lalthanliana hian MNF sorkar chuan Governor chenna tualah lan ropui tumin Halelleuiah Chorus nen bul an \an a, mahse Chief Minister tualah RSS ten vai hla sain an awi lungleng leh thung si niin a sawi a, an bul\anna tih ropui viau an tum ang aiin an tawpna a ropui dawn lo hle nia a hriat thu a sawi.
Pu PC Lalthanliana chuan, MNF Party in Zoram tan malsawmna an thlen ngai lo nia sawiin, ramhnuaiah kum 20 chhung Zoram zalenna sual inti mah se, State nihna bak hawn an nei lova, Chief Minister ni ta Pu Zoramthanga hnena enge a rawn hawn tih an zawhna chu Mizo Nationalism chi tur an rawn hawn thu leh an enkawl seilen hunah a kakpuiah chuanga an duh duh zar an hawl thlak mai tur thuin a chhang a ni a ti a, hei hi a thleng dik dik lo nasa hle a, Mizo Nationalism chi an hawn kha a thi ta nia a lan thu a sawi.
ZPM Party chu belhtlak an awm lo tulh tulh nia sawiin, Pu PC Lalthanliana chuan, an MLA a ngaihte ber pawh an ZPM \ha ngam lova, tlanchhe chungin an ZPM a, an hotupa ber pawh a ZPM ngam loh laia ZPM lo nih chu Zoram mipui tan thil tih chi nia a hriat loh thu a sawi.
He inkhawm hi MPCC Secretary, Pu C. Lalhlimpuia’n a kaihruai a ni.
