Non Government Hospital Association of Mizoram hian Sorkar-in Blood Bank a\anga thisen lak dan a tihdanglam chungchang hi vawiin khan an ngaihtuah a. Sorkar-in damlo thisen pek ngaite tana Blood Bank a\anga thisen lak dan kal phung thar a siam chu damlo thisen mamawh, nunna derthawng taka awmte tan a pawi thei dawn nia an hriat thu an sawi a, Hospital & Medical Education Director kaltlang khera lak angai ta chu a kawng a thuiin, damlo leh an chhungte tan harsatna nasa tak siam theitu a ni dawn a ni, an ti.
Thisen chu nunna chhanna a nih avangin tumahin \ul lovah an dawng ngai lova, damdawi in mamawh ni lovin damlo mamawh anih avangin thisen hi awlsam zawka lakchhuah theih a nih lehna turin sorkar chu thupek a lo siam tawh chu ennawn tura an phut thu an sawi.
Private damdawi neitute chuan, Sorkar nen an inrem theih loh avanga damlo mangang, damdawi ina awm ngai tam zawkin Medical Reimbursement leh Mizoram Health Care Scheme an chhawr thei rih lo chu pawi an tih thu leh he harsatna sutkiang tur hian an pawl chu Sorkar thuneitute nen inbe tura an in hawn reng thu an sawi a. Sorkar nen inemna an siam theih loh chungchangah Sorkar thuchhuah pakhatin damlo Mizoram pawna a b^-a enkawl theih lohna hmuna enkawl te chu Sorkar-in Rate a siam angin MR Bill an siam ang tih a ni a, hetiang bawk hian an ni pawhin damloten notified rate angin MR Bill hi remtih sak turin sorkar an ngen tih sawiin, hei hi Mizoram pawnah pawh tih theih a nih chuan Mizoram chhungah pawh theih ve se tih chu an duh dan a nih thu an sawi.
Non Government Hospital Association of Mizoram \hutkhawmnaah hian Synod Hospital, Adventist Hospital, Bethesda Hospital & Research Center, Aizawl Hospital & Research Center, LRM Hospital, Ebenezer Medical Center, Greenwood Hospital, Grace Nursing Home, Care Hospital, City Hospital, Rosewood Hospital, Redeem Hospital, Nazareth Hospital, Ramhlun, Mercy Hospital Serchhip, John Williams Hospital Lunglei, Maraland Gospel Centenary Hospital leh DM Hospital Champhai hotute an tel a ni.
