Nikum June khan FATF hian Pakistan hi, mifirfiakte sum hmanga \anpuina doletna dan nei khauh tawk lo ram “grey list’-zingah a lo dah tawh a, FATF hian Pakistan chu a ram chhunga sum hmanga mifirfiakte \anpuina hi khuahkhirh turin a lo vaukhan tawh a, FATF mithiamte’n tunhnai khan hemi chungchanga hma an lak endik turin Pakistan an tlawh a, an dan te chu siam danglam mahse mifirfiak pawl Islamic State, Al-Qaeda, Jamaat-ud-Dawah, Falah-i-Insaniat, Lashka-e-Taiba, Jaish-e-Mohammed, Haqqani Network leh Taliban nena inkungkaihna neite sum hmanga \anpui a hlauhawm zia an la hrethiam tawk lo niin an sawi.
Pakistan Foreign Minister chuan he list-ah dah chhunzawm zel an nih chuan an ram hian kum tin dollar tld 10 a hloh thei a ni tih a lo sawi tawh a ni. Pakistan hian mifirfiakte \anpuina khuahkhirhna lamah hma an lak \hat tawk loh avangin hremna na zawk black list-a dah theih dinhmunah a ding mek a ni.
