Li Yanxia, Love Mother tia hriat lar hi inbumna thilah misual rualte nen inthuruala puh a ni a, a bialpa Xu Qi pawh inhnamhnawih vea hriat a nih avangin man tel a ni bawk.
Xu Qi chu dan kalha pawisa inhnehchhuhna thubuai te, vantlang rorelna tibuaia puhnate leh mi bum thubuai te awrh tir a ni a, kum 12 leh a chanve lung in tang tur leh yuan maktaduai 1.2 chawi tura a chungthu rel a ni. An thurualpui zinga mi 14 te chu kum 4 \heuh tang tura tih an ni bawk.
Li Yanxia hian kum 2006 a\ang khan fahrah naupang te faa la khawmin, a hmingthang hle a, a pasal nen an in\hen hnuah a pasal hluiin a fapa chu mihring hmanga sumdawng \hinte hnenah yuan 7,000-in a hralh niin a sawi a, a fapa hmuhlet tuma a beihna lamah fahrah naupangte enkawl chu a rilrua lian ber a ni chho ta niin a sawi.
Fahrah naupang a enkawl a\anga kum khat hnu lekah Hebei-a nu hausa ber a ni chho ta a ni. Kum 1990 kum laihawl vel khan thir laichhuahna hmun a lei a, helai hmun a enkawlna bula hmeichhe naupang kum 6 mi chu a pa-in a thihsan hnuah a nu-in a tlanbosan a, chu hmeichhe naupangte chu la-in a enkawl hmasak ber a ni a, hemi hnu hian naupang dangte pawh lak belh zelin fahrah chawmna in a din a, kum 2017 khan naupang 118 a enkawl a ni.
Kum 2017 khan mi tam takin rinhlelh rukna an neih avangin sorkar an hriattir a, kum 2018 May thla khan Police-in a in an dapnaah yuan maktaduai 20 chuang leh US Dollar 20,000 a bank account-a a neih chu hmu chhuakin car manto tak Land Rovers leh Mercedez Benz a nei bawk a, an chhui zelnaah kum 2011 a\ang khan dik lo taka a chetna leh midangte tibuai tura a naupang chawmte a hmang \hin tih hmuh chhuah a ni.
Police-in an man lai hian fahrah naupang 74 a chawm mek a ni.
