Mizoram Cultivators & Labour Union (MICLUN) chuan, The Mizoram Land Revenue Law, 2014 chu Mizo mipui tana \ha lo nia ngaiin Zarkawta Archives Hall bulah vawiin khan a copy an hal. Hemi puala inkhawm tawi neihah MICLUN President Pu KC Lalliana chuan, he dan hmang hian LSC nei turin in a din a ngai a, in ding awm lohna ram chu LSC pek theih a nih loh thu a chuan bakah AMC dan ding lai nen a inkalh bawk avangin mipuite tan eng zawk nge zawm tur tih pawh hriat a har hle niin a sawi. Pu KC Lalliana chuan, he danah hian luipui a\anga meter 800 huam chhunga ram neite tan LSC renew leh kut thlak pawh phal a ni tawh lo niin a sawi a, Forest Department chu a mawhphurtu nia sawiin, hei hi sorkar laipuia ram pek ang nia an ngaih thu leh a tuartu chu kut hnathawktute an nih thu te, Mizoram tan pawh a him lo nia an ngaih thute a sawi. Pu KC Lalliana chuan, Revenue dan hman mekah ram leitu-in a hminga a dah dawnin kum 10 tal a nghah a ngaih tur thu pawh a chuang niin a sawi a, ram leitu-in a lei rualin a hming a thlak thei ngei tur a ni tih chu MICLUN ngaihdan a nih thu leh hemi chungchangah hian sorkar pawh an lo ngen tawh \hin thu sawiin, The Mizoram Land Revenue Law, 2014 chu siam \ha ngei tura sorkar an phut thu leh a bawhzuina a awm loh chuan na zawka sorkar nawr an tum thu a sawi bawk.
