Mi pakhat chemte kengin Sanghai-a Primary school pakhat luhna bulah naupang te lo beiin pahnih a vit hlum.
Police te sawi danin tualthattu hi kum 29 mi a ni a, mipa naupang pathum leh nu pakhat chu chawhmeh channa chemte hmangin a bei a, a vih hliamte hi damdawiin panpui nghal vat nimahse naupang pahnih chu an hliam tuar lovin an thi a, naupang pakhat dang leh nu pakhat erawh an dinhmun a hlauhthawnawm lo a ni. Pawikhawihtu hi a hmunah man nghal a ni a, hnathawh tur hmu zo lo, khawtlang laka helna rilru pu ve hrim hrim a ni tih Police te chuan an sawi. China khawpui hrang hrangah te venhimna khauh taka kalpui anih avangin khawpui dangte nena khai khin chuan hetianga rawva taka pawikhawihna hi a tleng tam lo hle a, tunhnaiah chemte leh hrei te hmanga pawikhawihna hi a thleng ve ta zauh zauh a, April ni 28 khan Shaanxi province ah mipakhat, a naupan laia miin an chhaihnawmnah lo tuar tawh \hin chuan school naupang 7 zet a lo vit hlum tawh a ni. China ah hian silai khuahkhirhna dan khauh tak hman a nih avangin pawikhawihtute hian chemte an hmang tlangpui a ni.
