Mexico a\anga US-a pem lut \hinte laka US sorkar a khauh tak avangin naupang 2,000 chuang chu ramri ah an nu leh pa te tel lovin an tangkhang tih thuneituten an sawi.
Trump-a sorkar in Mexico a\anga pem lut \hinte laka khauh zawka dan a lek kawh avangin naupang nu leh pa te chu ramri hnaihah hren lailawk an ni a, an fa te chuan hmun dang pan tur an neih loh avangin ramri hnaihah an tangkhang a, he thil hian US politics boruak pawh a chiah hneh hle. Ningani khan Attorney General Jeff Session chuan pem lut \hinte lakah hian ngaihhnathiamna a awm thei lo tih a lo sawi tawh a, a awmzia ber chu dan kalha US a pem lut man chhuahte chu dan anga an chungthu ngaihtuah zel tur tihna a ni a, kum tling tawh chin te chu ramri an kan avanga thubuai sisamsak an nih tak zel avangin an fa kum tlinglo an hruai te chu hruai hran zel an ni ta tihna a ni. US Dept of Homeland Security chhinchhiah danin kumin April ni 19 leh May ni 31 inkarah khan puitling 1940 hren an ni a, an fa te 1995 chu hmun danga dah an ni a, heng naupangte kum zat kimchang hi tarlan a ni lo a, an nu leh pa te chungchang ngaihtuah a nih chhung hian US Department of Health and Human Services kutah dah an ni. UN chuan hetianga nu leh pa te leh an fa te dah hran hi ti tawp vat turin US chu a ngen a ni.
