Tukin zing lam kha Lirnghing magnitude 5.9-a na in Mexico a sawi leh a, lirnghing ralkhel dar ri chuah chuah karah mipuite an chiai nasa hle. Oaxaca State chhung Santa Catarina Cechoacan atanga lirnghing hi intan a ni tih US Geological Survey chuan a sawi a, km 200 vel zeta hla Mexico City ah pawh lirnghing hi an hre phak a, tukina lirnghing hi chu Zirtawpni-a nghing ai kha chuan a na lovin a rei lo zawk bawk a. Zirtawpnia lirnghing vang khan in 1,000 vel zet a chhia a ni. Lir a nghin lai hian Mexico City ah chuan mi tam zawk an la mu a, lirnghing in a sawi harh leh ralkhel darin a tih harh mipui tam tak kawtthlerah an chhuak khawm a ni. Lirnghing hian chhiatna a thlen sawi tur a la awm rih lo thung. Tunhnaiah Mexico hi lirnghingin a sawi zing hle a, September thla khan tum hnih a nghin avangin mi 100 telin an lo thih phah tawh a, building tam tak a ti chhe bawk.
Chanchin Thar Mexico-ah lirnghing leh
