Lirnghing Magnitude 7.2-a na in Mexico chhim thlang lam a sawi a, Building thenkhat chhe mahse, mitthi an awm thu erawh report a la awm lo thung. Nimina lirnghing hi Oaxaca State chhung, Pinotepa de Don Luis atanga intan a ni tih US Geological Survey chuan a tarlang a, lei chhungril km 24.6 atanga nghing a ni. Lirnghingin chhiatna a thlen dan enfiahtu Interior Minister leh Oaxaca Governor te chuanna helicopter chu a tlak avangin mi 2 an thi a, Minister Alfonso Navarette leh Governor Alejandro Murat te hi an hliam na lutuk lo tih thuneitute chuan an sawi. Lirnghing avang hian mipui an chiai nasa hle a, Mexico City kawtthlerah te chuan insaseng tum mi tam tak an pungkhawm a, a then an tap a, a then an inkuah bawk a, lirthei chevel pawh a khaihlak nual a ni. Nikum September thla khan Mexico hi lirnghing in a lo nuai tawh a, mi 100 telin an lo thih phah tawh a ni.
Chanchin Thar Mexico-ah lirnghing
